الداعية جنة الفردوس
Admin
عدد المساهمات : 4517
جوهرة : 13406
تاريخ التسجيل : 03/01/2013
 |  موضوع: عابر سبيل ، مشوار طويل  الخميس مارس 21, 2013 10:37 pm | |
|
عابر سبيل ، مشوار طويل
والحلم متلفح بليل
والموت سكوت
و العتمة موت
والآهة تصرخ ألف ويل
فين السبيل ؟؟!
من غربة الليل الطويل
دقيت علي كل البيبان
مشتاق يا حلمي
يا اللي كان !!!
محفور علي كل الحيطان
صورة و آذان
واتسرسبت مني السنين
موال حزين
ما دريت ولا أعرف
هوه فين ؟!
يمكن يكون ؟!
يمكن يهون؟!
يمكن ما تنزل دمعتين
تطهر الليل م الأنين
لما أتخنق فيه الحنين
و أتلجم القلم الفصيح
مبقاش يصيح !!!
واتبعترت كل السكك طواحين
يا شاعر الناي والربابة
يا عاشق الناس الغلابة
المحرومين م الحلم والتفاريح
اللي بيوتهم من إزاز وصفيح
متشوقين للنسمة وسط الريح
اللي ساكنهم الألم تباريح
اللي عاشقهم السكات تسابيح
يا شاعر الناي والربابة ……
متلجمة يا شمعة المصابيح!! | |
|
